ОУХБ-ын “Бизнесээ албан ёсоор эрхэлье” сургалтын хөтөлбөрийн сургагч багш нарыг чадавхжуулах сургалт зохион байгууллаа.
“Бизнесээ албан ёсоор эрхэлье” сургалтын хөтөлбөрийг үндэсний хэмжээнд хэрэгжүүлэх, түгээн дэлгэрүүлэх зорилгоор ОУХБ-ын Албан бус эдийн засгийг албажуулах төслөөс 2025 оны 1 дүгээр сарын 23, 24-ний өдөр сургагч багш нарыг чадавхжуулах сургалт зохион байгууллаа.
Сургалтаар Гэр бүл, хөдөлмөр, нийгмийн хамгааллын яам, Үндэсний статистикийн хороо, Нийгмийн даатгалын ерөнхий газар, Татварын ерөнхий газрын дарга, мэргэжилтнүүд 2025 оноос эхлэн хэрэгжих хууль тогтоомжийн зарим өөрчлөлтүүд, холбогдох сэдвүүдээр мэдээлэл өглөө.
Сургалтын дараа Бизнесээ албан ёсоор эрхэлье сургалтын хөтөлбөрийг хэрэгжүүлэх 2025 оны төлөвлөгөө, санал, санаачилгаа ярилцав.
Энэхүү хөтөлбөрийг улсын хэмжээнд хэрэгжүүлснээр дараах үр дүнд хүрэх юм.
Нийгмийн хамгааллын соёлыг төлөвшүүлж, нийгмийн хамгааллын хамралт нэмэгдэнэ.
Албан бусаар ажиллаж байгаа ажилтнууд татвар, санхүү, бүртгэлийн ач холбогдол, давуу талыг ойлгож мэдсэнээр бизнесээ өргөжүүлэх боломжтой болно.
Хөдөлмөрийн тухай, Хөдөлмөрийн аюулгүй байдал, эрүүл ахуйн тухай хуулиудын хэрэгжилтийг хангана.
Албан бус бизнесийн нэгж, түүний ажилтнууд, хувиараа хөдөлмөр эрхлэгчид зохистой хөдөлмөр эрхэлснээр ажилтны сайн сайхан байдал нэмэгдэж, бүтээмжтэй, тогтвор суурьшилтай ажиллах нөхцөл бүрдэх юм.
